قصة حقيقية حدثت في مصر في احد عربات المترو
ترويها فتاه وتقول :
وانا راجعة من الشغل ركبت المترو وكان في واحده ست راكبة من المحطة اللي قبلي
المهم الست دي معاها بنت صغيرة في حدود 13 سنة ووشها باين عليه التعب والارهاق ولونه اصفر ولابسه حجاب صغير . وفي محطة الاوبرا ركبت واحده تانية شابة في حدود 30 سنة . المهم اختنا دي شافت الوليه وانفتحت فيها : هي بنتك قد ايه عشان تحجبيها . انتي كده هتعقديها . شيلي التلفيعة دي من فوق راسها . علميها ان الدين مش طرحة ومنظر بس
والست باصة ليها بغيظ وساكته خالص
اختنا راحت علي البنت الصغيرة وقالتلها : انتي عاوزة تتحجبي ؟ البنت بصتلها بتوهان وكسوف وقالتلها : الكيماوي موقعلي شعري ومبعرفش اروح المدرسه من غير حجاب عشان البنات بتخاف مني
وهنا المترو كله سكت . مات من الخضة او اللاانسانية
بلاش حقوق الانسان تحرقكوا قوي كده . ممكن بغباوة غروركم تقتلوا حقوق انسان لاحول ولاقوة الا بالله
0 التعليقات:
إرسال تعليق